2 - طابور العيش مش هتقدر بسببه تبطل العيش ماهو مش معقول هتبطل تاكل عيش وتاكل كرواسون مثلا أنما طابور المرور هيخليك تتربى وتبيع عرابيتك تانى يوم (اللى مش لاقى تربيه يشترى عربيه - أحد الأمثال الدارجه فى أدارة المرور)
3 - يكفى أنك تعرف صبى خباز عشان يجيبلك العيش بالكوسه من برا الطابور أما فى المرور فأنت عايزلك ع الأقل نقيب بتلات نجوم
4 - فى طابور العيش هاتشوفلك بالكتير مشاجره أو أثنين أنما فى المرور هتشوف ع الأقل خمستاشر خناقه بالأيد و 7 حالات أغماء ده غير حالات التحرش والسب والقذف
5 - طابور العيش ممكن حظك يوقفك فيه كل يوم طول السنه أنما فى المرور بتقف يوم واحد أو أتنين طول السنه بس يخلوك تلعن الدنيا طول ال 363 يوم الباقيين
6 - فى طابور العيش دايما بتحس بنشوة الأنتصار لما توصل للشباك فبداية الطابور انما الأحساس ده عمرك مابتحس بيه ف المرور لأنك هتطلع من الطابور تقف فغيره أو فأحيان كتير تروح تجيب ورقه وترجع لنفس الطابور عشان تبتدى رحلة الأربع ساعات من جديد
7 - لو قليت أدبك فى طابور العيش صاحب الفرن هيطلع يديك على دماغك ويأدبك أنما ده هيكون أهون عليك كتير من حرقة الدم اللى هتكون فيها وأنت قاعد شايف الموظف قاعد بيتغدى جوه بكل برود وسايبك تتعذب بره من الساعه سبعه الصبح من غير حتى فطار
يااااااااااااه اخيرا ظهرت ورجعت تكتب تانى
ردحذفعموما الموضوع جامد ولذيذ اوى
وربنا يرزقك كدا بعربيه واهو وجع ساعه ولا كل ساعه وارحم من بهدلة المواصلات ياسيدى وخليها عليك بقى