جرب كده و أعمل سيرش ع اليوتيوب على أى حاجه بالعربى أى حاجه مهما كانت ماتش كوره,عمرو خالد , العاشره مساءا , مظاهره , مايكل جاكسون أو حتى عن موزه جامده بترقص رقصه أجمد .
رغم أختلاف مضمون الفيديوهات دى كلها الا أن كلها هتشترك فحاجه واحده : الكومنتس أو التعليقات هتلاقى التعليقات كلها فيها نفس الميزه تكفير وخوض ف الأعراض وسب بألفاظ تقشعر لها الأبدان
مسيحيين بيشتموا ف المسلمين والمسلميين يطلعوا يكفروهم و شباب الحزب الوطنى يطلعوا يقلوا أدبهم على أى حد مش عاجبهم , واللى مش عاجبهم يطلعوا يأفوروا علي الحكومه والنظام , وكله من كده , أنما الشئ اللى زايد فعلا عن الحد لدرجه تتدعو للتقزز خناقات العرب بينهم وبين بعضهم ودى اللى مش هتلاقى كومنتات فيديو واحد خاليه منها مهما كانت طبيعته , المهم يكون عنوانه بالعربى . وخصوصا بتبقى الخناقات دى بين الخليجيين والمصريين . الخليجيين شايفين ان فلوسهم هى اللى عملت المصريين, و المصريين يدعوا انهم هما اللى بنوا الخليج وعلموا ناسها , الخليجيين يعاييروا المصريين أنهم بيبعتوا حريمهم نصهم يشتغلوا خدامات والنص التانى يتعمل فيهم حاجات وحشه بفلوس , أما المصريين شايفيين أن رجالة الخليج كلهم هوايتهم يتعمل فيهم حاجات وحشه وكمان ببلاش , وهكذا وهكذا . المهم أن ليهم قدره غريبه على قلب أى موضوع مهما كان لمشاجره وصراع أجناس وحضارات لم يتفتق ذهن حورج بوش نفسه عنها
عارف ان المشاخنات دى ممكن تكون على كل المنتديات لكن الغريب فموضوع اليوتيووب ده أنها ممكن تخلق من لاشئ , يعنى أيه اللى يخلى مقطع من حفله لمغنى أجنبى تعمل أزمه دبلوماسيه أفتراضيه بين مصر والكويت .
لو عملت شيفت زائد ألت وقلبت اللغه ودورت على أى فيديو برده بالأنجليزى , الموضوع هيختلف تماما كل التعليقات ف الصميم أه مايمنعش استخدام الفاظ بذيئه لكنها بتكون للتعبير عن الموقف مش للتجريح وكل التعليقات بتبقى عباره عن نقاش وحوار حضارى جدا للفيديو سواء بالسلب أو الايجاب , ومن التعليقات اللى عجبتنى جدا تعليق كان بيقول : رغم أنى بكره الراجل اللى بيتكلم ده جدا الا انى ف الموضوع ده متفق معاه 100% و الجميل ان تقريبا بتبقى كل التعليقات بالطريقه دى .
أه زى ما اخدنا فالكليه ان الانترنت وسيله قويه لتعميق المشاركه السياسيه و تنميه الحوار بين الشعوب – والمصيبه انى فاكر ان الدكتور كان كاتب مثال المنتديات العربيه – الا انى شايف ان الكلام ده عند الناس اللى بتفهم مش عند العرب المتخلفين
رغم أختلاف مضمون الفيديوهات دى كلها الا أن كلها هتشترك فحاجه واحده : الكومنتس أو التعليقات هتلاقى التعليقات كلها فيها نفس الميزه تكفير وخوض ف الأعراض وسب بألفاظ تقشعر لها الأبدان
مسيحيين بيشتموا ف المسلمين والمسلميين يطلعوا يكفروهم و شباب الحزب الوطنى يطلعوا يقلوا أدبهم على أى حد مش عاجبهم , واللى مش عاجبهم يطلعوا يأفوروا علي الحكومه والنظام , وكله من كده , أنما الشئ اللى زايد فعلا عن الحد لدرجه تتدعو للتقزز خناقات العرب بينهم وبين بعضهم ودى اللى مش هتلاقى كومنتات فيديو واحد خاليه منها مهما كانت طبيعته , المهم يكون عنوانه بالعربى . وخصوصا بتبقى الخناقات دى بين الخليجيين والمصريين . الخليجيين شايفين ان فلوسهم هى اللى عملت المصريين, و المصريين يدعوا انهم هما اللى بنوا الخليج وعلموا ناسها , الخليجيين يعاييروا المصريين أنهم بيبعتوا حريمهم نصهم يشتغلوا خدامات والنص التانى يتعمل فيهم حاجات وحشه بفلوس , أما المصريين شايفيين أن رجالة الخليج كلهم هوايتهم يتعمل فيهم حاجات وحشه وكمان ببلاش , وهكذا وهكذا . المهم أن ليهم قدره غريبه على قلب أى موضوع مهما كان لمشاجره وصراع أجناس وحضارات لم يتفتق ذهن حورج بوش نفسه عنها
عارف ان المشاخنات دى ممكن تكون على كل المنتديات لكن الغريب فموضوع اليوتيووب ده أنها ممكن تخلق من لاشئ , يعنى أيه اللى يخلى مقطع من حفله لمغنى أجنبى تعمل أزمه دبلوماسيه أفتراضيه بين مصر والكويت .
لو عملت شيفت زائد ألت وقلبت اللغه ودورت على أى فيديو برده بالأنجليزى , الموضوع هيختلف تماما كل التعليقات ف الصميم أه مايمنعش استخدام الفاظ بذيئه لكنها بتكون للتعبير عن الموقف مش للتجريح وكل التعليقات بتبقى عباره عن نقاش وحوار حضارى جدا للفيديو سواء بالسلب أو الايجاب , ومن التعليقات اللى عجبتنى جدا تعليق كان بيقول : رغم أنى بكره الراجل اللى بيتكلم ده جدا الا انى ف الموضوع ده متفق معاه 100% و الجميل ان تقريبا بتبقى كل التعليقات بالطريقه دى .
أه زى ما اخدنا فالكليه ان الانترنت وسيله قويه لتعميق المشاركه السياسيه و تنميه الحوار بين الشعوب – والمصيبه انى فاكر ان الدكتور كان كاتب مثال المنتديات العربيه – الا انى شايف ان الكلام ده عند الناس اللى بتفهم مش عند العرب المتخلفين
و الله يا واد يا رامي عندك حق
ردحذفبقت ظاهرة غريبة
و دي مش بين المصريين و الخليجيين بس
دي بين المصريين و بعضهم
اي حد مش عاجبني كلامه او رأيه
او حتي التي شيرت اللي لابسه
يبقي تنصب عليه كل العنات و يبقي هو العدو اللدود ليا
و دايما هو غلط
للأسف مابقاش فيه حاجه اسمها لغة الحوار
مافيش في قاموسنا جملة "الاختلاف في الرأي لا يفسد للود قضية "
عندنا بس من ليس معي فهو ضدي
يا انت معايا يا مع الناس التانيين و لو قالي انه معايا اقوله اني من الناس التانيين
خلاصة الكلام
احنا عايزين تغيير جذري في فكرنا و اسلوبنا و ثقافتنا اللي مابقتش ليها هوية خالص
بقيت كوكتيل حبه من هنا علي حته من هناك علي شوية من الناحية دي
تحياتي
احمد الحسيني
ياباشا ايه الكلام الجامد ده والله عندك حق 100%
ردحذف