ما تراضينا يا أستاذ

أزيكوا ياناس ايه الأخبار يارب يكون كله تمام .أفتكر كده ان احنا كنا على نور من أول واتفقنا ان دى بقى مدونتى وانا أكتب فيها اللى انا عايزه صح؟صح .وبعدين بقى بسبب القهر والقرف اللى ف البلد دى اللى يخلى صحفى كبير عتيد الأجرام زيى مايشتغلش ف الصحافه ويروح يقلب عيشه فحته تانيه. فأنا بفى هطلع أرزل من القهر والقرف دول وأتصحف عليكم هنا براحتى وأعتبر المدونه دى الجريده الرسميه بتاعتى وعزبة ابويا كمان وانا رئيس مجلس الاداره والتحرير وهيئة التحرير والاوفس بوى كمان لو حكمت يعنى أكتب فأى حاجه تطلب معايا ,يعنى حتى لو حلمت حلم وعجبنى حبتين أصحى الصبح أمشيه ع المدونه .ياسلام ماهى الحكومه بتعمل معانا كده يعنى ما حدش يستجرى يفتح عينه فيها هى هتكون أحسن منى . وده طبعا مع كافه الشكر للساده الافاضل الاتنين تلاته صحابى اللى بيقرولى واتمنى انهم يستحملونى شويه ولخطيبتى اللى هتستحملنى غصب عنها المهم وبناء على سابقه طلبت معايا أكتب النهارده عن الشحاته .أيوه عن الشحاته والشحاتين . الله؟؟؟ فيه ايه ياعم احنا مش قولنا دى عزبه أبويا وأكتب فيها اللى انا عايزه المهم عشان مانعكرش دمنا ع الفاصى. أصل الموضوع انى شوفت فالكام شهر الاخرانيين دول أعداد وأنواع واشكال من الشحاتيين مشفتش زيهم فحياتى .ولو حضرتك كنت معتقد أن الشحاتين هما اللى بيقفوا قدام الجوامع يمدوا ايديهم وحسنه قليه تمنع بلاوى كتيره تبقى حضرتك غلطان وغافل عن التطور الطبيعى للشحاته على أعتبار يعنى انها علم وفن. وأسمحلى أعرفك غلطك عندك مثلا نوع من الشحاتين المتخفين بصورة باعه جائلين بتطلع منهم الواحده ف المواصلات ترمى على رجلك اللبانه التشكلتش أم نعناع واللى تقريبا تبقى قاصده فأغلب الحالات انها ترميه تحت الكرسى عشان متعرفش تلاقيها وتضطر تدفع غصب عنك حتى لو مكنتش ناوى. ودى سهل انك تخلص منها بس بشرط الاحتفاظ باللبانه لنهايه الرحله فى نوع تانى ابن ستين ف سبعين. البيع أو الشحاته بالرخامه . بالظبط كده ويسوق فيها قوى لو ماشى مع البت بتاعتك ولا حاجه طب ده انها مره شوف واحد بتقول للشاب اللى قاعد قدامى فالاتوبيس طب يارب ياأستاذ امك ماترضا عنك لو مارضتى , اه والله كده خبط لزق فا هيعمل ايه الغلبان يغضب أمه يعنى عشان نص جنيه فى بقى واحد مميز بعينه بشوف تقريبا كل يوم وانا نازل الصبح الناس بيسموه ابو كرتونه وده يرجع للكرتونه اللى شايلها فأيده عشان تحطله فيه الحسنه واللى كتير سمعت تريقه كتير من الناس عالكرتونه دى على أعتبار يعنى انه يجيب واحده صغيره شويه صاحبنا بقى ده عنده شلل رعاش فى أحدى ذراعيه تبقى واقعة سودا لو قلتله ربنا يسهلك, سواء بقى كنت كبير أو صغير راجل أو ست عشان هيتفتح فيك بعلو صوته ومن حيث لا تعلم ولا تدرى بمقولته المشهوره فى مثل هذه الحالات ربنا يسهلى؟؟ربنا ياخدنى ياسيدى العوض على الله فيكى يامصر العوض على الله فيكى يامصر , انما كل ده يهون امام الفاجعه الكبيره حيث انى على استعداد انى أحلفلك بكل ماهو غالى ورخيص كمان انه ما ان ينزل من الميكروباص وبقدرة قادر تحصل المعجزه ويتوقف الشلل الرعاش وكأن الزمبلك خلص تمهيدا لأنه يملاه من جديد على باب ميكروباص جديد عندك برده الشحات المحترم اللى بيتذرع ليك انه يعنى بعيد عن بلده ومش لاقى بس يروح ومحتاج نص جنيه وعقبال ماتطلعله النص جنيه ده يوهمك انه كان طالب تلاته وانت اللى سمعته غلط ماهو لقاك زبون بقى . المهم و بعد مادفعت زى اللطخ وع طيب خاطر لمحته بعد ماركبت الميكروباص واقف قدام سوبر ماركت بيطلع رزمة فلوس أه والله رزمة فلوس وأشترى مالا يقل عن عشر لفف قمر الدين فنزلت من الميكروباص والدم بيغلى فعروقى وراسى والف جزمه لا أجيب التلاته جنيه بتوعى بس قولت هعمل عقلى بعقله يعنى وبعدين ماحنا برده داخلين على رمضان والراجل أكيد معذور أخر نوع هتكلم عنه وهو اكتر نوع باأحتقره والعنه فسرى هما الشحاتين بالقرءان وطبعا واضحه طريقتهم دايما وانا مروح بلاقى فنفق باأعدى عليه اتنين شحاتين من النوع ده والاتنين بيمشوا بعكازات بس الغريب انى ماصدفتش الاتنين فنفس الوقت يمكن يكون التناوب ده مقصود عشان مش يقطعوا على بعض المهم امبارح وانا مروح لاقيت واحد جديد على أول النفق بس ده كان كفيف ولابس جلبيه نضيفه شويه وطفل صغير بيقوله بصوت واطى وبرئ قوى مفهمتوش كله :ان فيه عمو تانى بيطلب منه طلبكده مسمعتوش كويس راح صاحبنا مفتوح على علو صوته انا حر واعمل اللى انا عايزه ومحدش ليه دعوه .سيبته وكملت وقبل ما أوصل للأعرج بلحظات سمعت صوت الأعمى يستمر فى قراءة القراءان من ورايا فإذ بالأعرج يهب وعنيه بتطق شرار يلبس رجله الصناعيه متجه للأعمى عند بداية النفق بصراحه كنت هاموت وأشوف المعركه بين الأعرج والأعمى الا انى والله خفت ان الكار الواحد يخلى دمهم يحن ويجتمعوا ضدى ويعملولى عاها مستديمه وينتهى بيا الامر ع الطرف التانى من النفق بشحت بسورة ياسين على فكره هنا الموضوعات مختصره جدا عن حقيقتها بس عشان متزهقوش وتكملوا الموضوع لأخره وعشان بتوع البديل الله يسامحهم اللى كانوا بيشترطوا عليا الموضوع مايزدش عن 600 حرف لحد ماتعودت أقضيها أختصارت سلام و يارب ماتشوفوش مكروه لا فصحتكم ولا فعافيتك ياقادر يا كريم