مصر هى أمى

مصر: أطول نهر ف العالم : وأسألوا العطشانين فمدينة نصر وغيرها
مصر : يحدها من الشرق البحر الاحمر ومن الشمال البحر المتوسط ده برده غير النيل برده وبحيرة ناصر وقارون الخ : وتستورد السمك المسمم من فيتنام
مصر : مصر ف الاساس بلد زراعيه وياللأسف برده بها نهر النيل: تستجدى المعونه الامريكيه من القمح
مصر : الصحراء الغريبه فقط 1/5 مساحة مصر وتبيع الدوله المتر من الأرض بجنيه لهطم والوليد وخلافه : نص شباب مصر مش لاقى شقه يتجوز فيها والنص تانى أسألوا عنهم ف الدويقه
مصر : ثانى سكه حديد ف العالم بعد بريطانيا : والله مانا متكلم انتم طبعا عارفين
مصر : جامعة القاهره أول جامعه من نوعها ف المنطقه :دراسه من بين اهم 500جامعه فى العالم لايوجد جامعه عربيه , لا أستنى رايح فين :أسرائيل لها 11
مصر : أكبر دوله ف الكثافه السكانيه ف المنطقه وواحده من أكبر معدلات البطاله : تستعين بالشركات الاجنبيه تلم لينا زبالتنا
مصر : فى 73 حرب أكتوبر المجيده وأستعادة الارض المغتصبه: هاسمحلك تتف فوشى لو عرفت تخش طابا ولا شرم الشيخ الا لو حد طلع يدخلك أو كنت لاسمح الله من علية القوم
مصر : دراسه سنة 2008 مصر أعلى الدول فى معدلات التدين : وياسبحان الله فنفس الدراسه مصر أعلى الدول فى معدلات الفساد

الموضوع مخلصشى بس أنا أتقرفت ع العموم الوقائع اللى تشرح القلب تكمل بعدين

لو لم أكن مصريا لكنت عشت هنيا أنــــــا