أكله .. أتفضلوا معانا

معلقتين أوهام غبيه وربع كيلو من السراب
ضيف كمان همى اللى شايله ف قلب عاش مليان عذاب
ومتنساش حبى اللى ضاع
صحبة رعاع
ونص عمرى اللى أتمشى فسكة ضياع
معلقتين أوهام غبيه وربع كيلو من السراب
لسه فيه أكوام قسيه ولسه فى غدر الصحاب
و أوعى تنسى تحط ديه حب مات ومالوهش ديه
طب طبخه بايظه لابخه مش اللى هى
ماتساويش حتى التراب
لأ كمان دى طبخه بايته
طبخه بارده دلعه صايته
يلا كل متقولش لأ
لو هتزق اللقمه زق
كل بخاطرك
كلها غصب
أصل أكلك فيها حق
يلا كل من غير كلام
بطل يلا تعيش جبان
كل لو حتى دى أكله نيه
برده كل خليك همام
يادنيا مكتوبه عليا
عايشها كده مش بأديا
هو ده أخر كلام
بعد مازهقت أنى أرمرم
بعد ما زهقت الكلام
بعد مازهقت إنى أكل م الكلام
بعد مازهقت إنى أكل أى حاجه تبعتيها
وأقول ياسيدى أهى حاجه هتملى جوفك والسلام
وأفشخ شفايفى بضحكه صفرايه وغبيه
و أبوس أيديا الوش والضهر وكمان أرمى التحيا
ولما تيجى ماشيه أوطى وأبعتلك مليون سلام
يادنيا مكتوبه عليا أحلف بربى إن ده آخر كلام
لو حياتى تبقى أكله كان أحسنلى أموت جعان
أنا